«Saryarqa» hokkeı klýby utyldy
ASTANA. 26 jeltoqsan. QazAqparat - Qaraǵandy qalasynyń «Saryarqa» hokkeı klýby syrt alańda «Sokol» (Reseı, Krasnoıarsk) komandasynan utyldy.
Bul oıynda alań ıeleri esepti birinshi bolyp ashty. Al ekinshi kezeńde tarazy basyn 2:0-ge deıin ulǵaıtty. Degenmen, matchtyń aıaqtalýyna deıin «Saryarqanyń» forvardy Mıhaıl Maho dýbl, ıaǵnı eki birdeı shaıbanyń avtory atanyp, esepti teńestire bildi. Sodan eki komanda da baryn salyp, oıyndy óz paıdasyna sheshýge tyrysty. Alaıda negizgi ýaqytta jeńimpaz anyqtalmady. Overtaımda qarsylastardyń joly boldy. Esep - 3:2.
«Saryarqa» utylsa da, overtaımǵa jetkeni úshin bir upaıǵa ıe boldy. Qazir komandanyń enshisinde 57 upaı bar. Qaraǵandy qalasynyń hokkeı klýby keshegi 4-shi orynnan 7-shi orynǵa tústi.
