«Saryarqa» hokkeı klýby qatarynan úshinshi jeńisine qol jetkizdi
ASTANA. QazAqparat - Qaraǵandylyq "Saryarqa" Joǵary hokkeı lıgasy chempıonaty aıasynda penzalyq "Dızeldi" oısyrata jeńdi, dep habarlaıdy Vesti.kz.
Penzada ótken match 3:0 (1:0, 1:0, 1:0) esebimen qazaqstandyqtardyń paıdasyna sheshildi. Oıynnyń úshinshi mınýtynda Dmıtrıı Gromov kózge tússe, ekinshi kezeńde Anatolıı Vasılev óz komandasyn taǵy bir qýantty. Al sońǵy shaıbany Dmıtrıı Samarın saldy. Aıta keteıik, "Saryarqa" úshin bul qatarynan úshinshi jeńis bolyp otyr jáne bunyń aldynda ótkizgen matchtan keıin qaraǵandylyqtar reseılik chempıonattyń pleı-off synyna joldama alyp úlgerdi.
