«Saryarqa» hokkeı klýby qatarynan besinshi ret jeńiske jetti
ASTANA. 11 qańtar. QazAqparat - Qaraǵandylyq «Saryarqa» hokkeı komandasy Joǵary hokkeı lıgasy chempıonatynda óz alańynda Tver qalasynan kelgen THK komandasynan overtaımda basym túsip, qatarynan besinshi jeńisine qol jetkizdi. Bul týraly vesti.kz habarlady.
Qaraǵandyda ótken match 2:1 esebimen aıaqtaldy. Aıta ketý kerek, tablodaǵy esep oıynnyń tek 30-shy mınýtynda ashyldy. Qaraǵandylyq forvard Vadım Golýbtsov «Saryarqa» klýbyn alǵa shyǵardy. Alaıda oıynnyń aıaqtalýyna jıyrma mınýt qalǵanda Maksım Kartoshkın matchty overtaımǵa aýystyrdy.
Qazaqstandyq komandaǵa Alan Martın Gýleniń soqqysy jeńis áperdi.
