«Saryarqa» gazy: Baǵa qansha bolatyny belgisiz – elorda ákimdigi

NUR-SULTAN. QazAqparat – Elordada aldaǵy ýaqytta gaz baǵasy qansha bolýy múmkin? Bul suraqqa Nur-Sultan qalalyq Otyn-energetıkalyq kesheni jáne kommýnaldyq sharýashylyq basqarmasy basshysynyń mindetin atqarýshy Ernat Bázil jaýap berdi, dep habarlaıdy QazAqparat tilshisi.

«Qala halqy gaz baǵasy qalaı bolatynyn bilgisi keledi. Qala shetindegi turǵyndar kómirdi erikkennen jaǵyp otyrǵan joq. Sol sebepti, gazdyń keleshekte baǵasy qalaı bolatynyn bilý kerek. Búgin bul suraq tipti bıznes ókilderin de qatty alańdatady. Gazdyń baǵasy naqty qansha bolady?» - dep surady Qoǵamdyq keńes ókilderi búgin elorda ákimdiginde ótken otyrysta.

Saýalǵa jaýap bergen Ernat Bázil gaz baǵasy týraly naqty málimet joq ekenin aıtty.

«Shamamen belgilengen baǵa bar. Ol qujatqa Energetıka mınıstri Qanat Bozymbaev budan buryn qol qoıǵan. Ol qujatta 1000 tekshe metr gazdyń baǵasy 46 myń teńge delingen. Bul – aldyn ala baǵa. Al búgingi kúni mınıstrlik naqty baǵanyń qansha bolatynyn bermeı otyr. Eki ret suradyq. Jaýaptary birdeı: «Saryarqa» magıstrali boıynsha jumys aıaqtalyp, ınvestıtsııalyq joba eseptelgennen keıin ǵana gaz baǵasy naqtylanady. Osylaı degenimizge úshinshi aı boldy. Dál qazir myń tekshe metr gazdyń baǵasy aıqyndalmaı tur. Qandaı baǵa belgilense de, aldaǵy bes jylǵa biraq bekitiledi. ıAǵnı, bes jyl boıy gaz baǵasy kóterilmeıdi», - dedi ol.

Eske sala ketsek, «Saryarqa» magıstraldy gaz qubyrynyń qurylysy aıasynda Nur-Sultan qalasynda qubyrlardy dánekerleýdiń sońǵy kezeńi aıaqtalǵan bolatyn.