«Saryarqa» gaz qubyrynyń qurylysy ýaqytynda aıaqtalady
«Saryarqa» gaz qubyrynyń qurylysy «Beıneý-Bozoı-Shymkent» gaz qubyrynan bastaý alady. Qazirgi ýaqytta obektide qurylys-montajdaý jumystary júrgizilip jatyr. Basty qurylys jumystary 2019 jyldyń sońyna deıin aıaqtalady. Al, 2020 jyly obektini paıdalanýǵa berý josparlanyp otyr.
Óz kezeginde, Ahmetjan Esimov qurylys barysymen tanysyp, oń baǵasyn berdi jáne jumystyń sapasy men tapsyrylý merziminiń saqtalýyn talap etti.
«Saryarqa» magıstraldy gaz qubyry Qazaqstannyń astanasy men ortalyq jáne soltústik aımaqtaryn gazdandyrýǵa arnalǵan. Qor aýqymdy jobany qarjylandyrýǵa qatysady, «QazStroıServıs» kompanııasy - qurylys merdigeri, «Astana Gaz QMG» - operatory.
Aıta ketken jón, gaz qubyrynyń tasymaldaý qabileti jylyna 2,2 mlrd. m³ gazdy quraıdy. Mysalǵa, tek Almaty oblysy men Almaty qalasynyń gaz tutyný mólsheri jylyna 2 mlrd. m³. Jalpy alǵanda, Qaraǵandy jáne Aqmola oblystarynda 171 eldi meken gazben qamtamasyz etiledi.
Osylaısha, gazdandyrý esebinen kómir otynyn tutyný kólemi jylyna 650 myń tonnaǵa azaıady. Bul sharalar elimizdiń ekologııalyq jaǵdaıyn jaqsartady. Budan basqa, «Saryarqa» gaz qubyrynyń qurylysy 800-den astam adamdy jumyspen qamtamasyz etedi, eń qyzý jumys júretin aılary 2000-nan asa adam jumyldyrylady.
Atap óteıik, qubyrdy tórt kezeńde salý josparlanyp otyr. Birinshi kezeńde Jezqazǵan-Qaraǵandy-Nur-Sultan baǵytyndaǵy magıstraldy gaz qubyrynyń qurylysy júrgiziledi. Ekinshi kezeńde Nur-Sultan qalasynan Kókshetaýǵa deıin gaz qubyryn tartý, al úshinshi kezeńde Petropavl qalasyna tartý kózdelip otyr. Sońǵy kezeńde Jezqazǵan men Temirtaýdaǵy kompressorlyq stantsııalardyń qurylysy qarastyrylǵan. Qubyrdyń jalpy uzyndyǵy 1061,3 shaqyrym. Jobany iske asyrýǵa jergilikti kompanııalar men eńbek kúshi tartylǵan.
