Saryarqa aýdanynyń ákimi qyz-kelinshekterdi merekemen quttyqtady
ASTANA. 6 naýryz. QazAqparat - Keshe, 5 naýryzda elordadaǵy M. Gorkıı atyndaǵy Memlekettik akademııalyq orys drama teatrynda Saryarqa aýdanynyń ákimi Ermek Ospanov aýdannyń áıelder aktıvin,
analardy, qyz-kelinshekterdi Halyqaralyq áıelder kúni merekesimen quttyqtady. Bul týraly Astana qalalyq resmı saıty habarlady.
Kóktemniń shýaqty merekesi qarsańynda ótkizilip otyrǵan is-sharaǵa aýdannyń bilim jáne densaýlyq saqtaý mekemeleriniń, PIK, qoǵamdyq birlestikteriniń, qurylys jáne merdiger uıymdarynyń ókilderi, kásipkerler, «Altyn alqa» men «Kúmis alqa» ıegerleri, áleýmettik qyzmetkerler qatysty.
Jınalǵandar nazaryna M.Ótemisuly atyndaǵy Oqýshylar saraıynyń tárbıelenýshileri men «NAZ» memlekettik bı teatry jáne Astana qalasy ákimdigi Memlekettik fılarmonııasy ázirlegen kontserttik baǵdarlama usynyldy.
«Merekelik keshte aýdan ákimi qushaqtary gúlge tolǵan áıelder qaýymyna zor densaýlyq, baıandy baqyt, otbasylaryna amandyq, qut-bereke tiledi», - delingen habarlamada.
