Saryarqa aýdany ákimdigi mektepke baratyn 700 balaǵa kómektesedi
ASTANA. 24 tamyz. QazAqparat - «Balany mektepke jınaıyq!» aktsııasy aıasynda Astana qalasy Saryarqa aýdanynyń ákimdigi mektepke baratyn 700-ge jýyq balaǵa kómektesedi.
Bul týraly «QazAqparat» tilshisine suhbat bergen aýdan ákimi Ermek Ospanov málim etti.
«Osy aktsııa aıasynda biz 680 balaǵa kómek kórsetýdi kózdep otyrmyz. Bul jumysta bizge «Qazaqstan temir joly», vagon jóndeý zaýyty, «BI grýpp» sııaqty iri kompanııalar kómektesip jatyr. Budan basqa, birqatar metsenattar óz attaryn atamaı, oqýshylarǵa jeke-dara qamqorlyq jasap otyrady. Biz ondaı adamdarǵa tek balalardyń tizimin jáne turǵylyqty meken-jaıyn beremiz de, olar ózderi mektepke qajet zattardy aparyp beredi», - deıdi E.Ospanov. Ákimniń sózine qaraǵanda, balalarǵa taratylatyn bir komplektiń baǵasy shamamen 8 myń teńge turady.
Búgin «Arsenal» kınoteatrynda ótken aktsııanyń saltanatty ashylý rásimi aıasynda áleýmettik jaǵynan az qorǵalǵan otbasylardyń 100-ge jýyq balasyna portfel jáne keńse zattary taratyldy. Al «Arsenaldyń» ákimshiligi kishkentaı búldirshinderge jańa mýltfılmdi tegin kórsetip berdi.
