Saryarqa aýdandyq prokýratýrasy «Kazsevavtodor» JShS jumysshylarynyń 36 061 369 teńge eńbekaqylarynyń ótelýine yqpal etti - Astana
ASTANA. 4 shilde. QazAqparat - Astana qalasynyń Saryarqa aýdandyq prokýratýrasy «Kazsevavtodor» JShS jumysshylarynyń aldyndaǵy eńbekaqylary boıynsha bereshektiń ótelýin qamtamasyz etti.
Bul týraly Astana qalasy prokýratýrasynyń baspasóz qyzmetinen habarlady.
Prokýratýranyń tekserýimen «Kazsevavtodor» JShS 279 jumysshynyń aldynda jalpy somasy 36 061 369 teńgeni quraıtyn eńbekaqy boıynsha bereshegi bar ekendigi anyqtaldy.
Prokýratýranyń uıǵarymy boıynsha atalǵan mekemeniń jumysshylarynyń eńbekaqylary tolyǵymen tólenip, olardyń buzylǵan konstıtýtsııalyq quqyqtary qalpyna keltirildi.
Sonymen qatar prokýrorlyq yqpal etý sharalary boıynsha kásiporyn basshysy zańmen kózdelgen ákimshilik jaýapkershilikke tartyldy.
