Saryarqa aýdandyq ІІB qyzmetkerleri avtokólik urlaýmen aınalysyp kelgen Qostanaı turǵynyn qolǵa túsirdi
ASTANA. 18 qazan. QazAqparat - Elimizde temir tulpar kóbeıgen saıyn, ony urlaý qylmysy da jıilep barady. Máselen, jýyrda Saryarqa aýdandyq Іshki ister basqarmasyna «B» esimdi azamat
Dostyq kóshesi boıyndaǵy úıdiń aýlasynan «Folksvagen-Passat» avtokóligin belgisiz bireýdiń urlap áketkeni týraly shaǵymdanǵan bolatyn. Sol kúni Ýálıhanov kóshesi boıyndaǵy úıdiń janynan atalmysh markadaǵy urlanǵan avtokólik jóninde taǵy bir jábirlenýshi habarlasqan.
Osy qylmystardy ashý úshin tergeý bóliminiń qyzmetkerleri jumyldyryldy. Jedel-izdestirý sharasynyń barysynda «izin sýytpaı» esh jerde jumys istemeıtin, Qostanaı oblysynda týǵan, 19 jastaǵy Astana qalasynyń turǵyny ustaldy.
Temir tulpardy urlaýdan ákki bolyp alǵan qaraqshy jaýap alý kezinde kólikterdi bólshekterge bólip, keıin jańa avtokólik satyp alý oıynda bolǵanyn aıtady. Alaıda, bul aram pıǵylyn júzege asyra almady.
Qazirgi ýaqytta kúdikti Astana qalasy ІІD ýaqytsha qamaýda ustaý ızolıatorynda. Onyń ústinen QR QK-niń 185-baby 2-bólimi boıynsha qylmystyq is qozǵaldy.
Qazir kúdiktiniń osyndaı mándegi ashylmaı jatqan qylmystarǵa qatystylyǵyn anyqtaý boıynsha tekseris jumystary júrgizilýde.
