Saryaǵashtyqtar aýdan ákiminen turǵyn úı máselesin sheship berýdi surady
SARYAǴASh. QazAqparat – Túrkistan oblysyndaǵy Saryaǵash aýdanynyń ákimi Muhıt Otarshıev jergilikti turǵyndardy jeke máseleleri boıynsha qabyldady. Kezdesý barysynda aýyl turǵyndary jeke máseleleri boıynsha aýdan basshysynan kómek surady, dep habarlaıdy QazAqparat tilshisi.
Qabyldaý kezinde aýdan turǵyndary jer máselesi jaıynda, turǵyn-úı-kommýnaldyq sharýashylyq máselelerine qatysty ózderin mazalaǵan suraqtarmen bólisti. Máselen, bir turǵyn quqyqtyq másele boıynsha keńes surasa, endi biri jumyssyzdyq problemasyn qozǵady. Birqatar azamattar turǵyn úı máselesin sheship berýdi surady.
Ákimmen kezdeskender sondaı-aq, jol, aýyz sý, jerdiń ıfraqurylymdyq qujattaryn rásimdeý syndy ózderin tolǵandyrǵan máselelerin jetkizip, usynystaryn aıtty. Aýdan basshysy ár turǵynnyń ótinishine jiti mán bere otyryp, zań aıasynda túsindirme berdi.
Turǵyndar tarapynan aıtylǵan saýaldar men ótinishter boıynsha tıisti sala basshylaryna arnaıy tapsyrmalar júktep, baqylaýǵa alatyndyǵyn jetkizdi. Turǵyndar tarapynan aıtalǵan ótinishter men usynystarǵa tolyqqandy jaýap berip, keıbir máselelerdi sheshýdiń tártibin túsindirdi. Osy baǵytta naqty ári josparly jumys júrgiziletinin aıtyp ótti.
