Saryaǵashtyq turǵyndar shekara symdary arqyly ózbekstandyqtardy ótkizip kelgen
TÚRKІSTAN. QazAqparat – Túrkistan oblysynda polıtseıler zańsyz kóshi-qon uıymdastyrǵan kúdiktilerdi ustady. Saryaǵash aýdanynyń úsh turǵyny shekara symdary arqyly ózbekstandyqtardy ótkizip kelgeni anyqtaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, uıymdasqan qylmystyq toptyń músheleri ózinderine júktelgen mindetterdi oryndaǵan. Bireýi shekaradan zańsyz ótkisi keletin adamdardy tapsa, ekinshisi tabylǵan adamdy shekaradan jasyryn ótkizip otyrǵan. Al, úshinshi kúdikti zańsyz kelýshilerdi tasymaldap otyrǵan. Olar eki aı kóleminde 10 ózbekstandyqty shekara sym torlary arqyly ótkizgeni belgili bolǵan. Bul qyzmetteri úshin árbir sheteldik azamattan 150 myń teńgeden aqsha alyp otyrǵan. Kúdiktilerdiń biri kezekti ret Ózbekstan Respýblıkasy azamatyn shekaradan asyrý barysynda ustalǵan. Polıtseıler onyń qaltasynan aıǵaqty zat retinde qaǵaz aqshalar tárkilep aldy.
«Atalǵan 3 kúdiktige qatysty QR QK-niń 394-baby «Zańsyz kóshi-qondy uıymdastyrý» boıynsha qylmystyq is qozǵalyp, tergeý amaldary júrgizilýde. Al, shekaradan zańsyz ótken ÓR azamattarynyń is-áreketi QR QK-niń 392-baby «Qazaqstan Respýblıkasynyń Memlekettik shekarasyn qasaqana zańsyz kesip ótý» boıynsha tirkeldi.Qazirgi tańda atalǵan jaıtqa baılanysty sotqa deıingi tergeý amaldary júrgizilýde. Kúdiktiler qamaýǵa alyndy» delingen habarlamada.
