Saryaǵashtyq oqýshylardyń qaýipsizdigin polıtseıler qamtamasyz etpek
1 qyrkúıek Bilim kúni merekesine oraı, aýdan kóleminde ornalasqan jalpy 78 orta mektepterge osy maqsatta polıtsııa bóliminiń jeke quramynyń qyzmetkerleri bekitildi.
Endigi kezekte aýdandyqpolıtsııa bóliminiń 164 qyzmetkeri ár oqý ornyna bólinip, 2 qyzmetkerden bekitildi. Tártip saqshylary ózderine bekitilgen oqý oryndarynda qoǵamdyq tártip pen jol qozǵalysy qaýipsizdigin saqtap, oqýshylardyń jolaýshylar jolaǵynan qaýipsiz ótýin qadaǵalaıdy.
Mektepke barǵan oqýshylarǵa atalǵan jolaqtan ótýine kómektesip, bastaýysh synyptardyń oqýshylaryna jolda júrý erejelerin túsindiredi. Baǵdarshamnan ótýine kómektesip, jolaýshylar jolaǵynan ótý erejesin úıretedi. Saryaǵash APB bastyǵy polıtsııa polkovnıgi E.Nýralıevtiń tapsyrmasymen aýdan saqshylary mektep oqýshylarymen kezdesý ótkizip, jol júrý erejelerin jiti túsindirip shyqty. Aıta keteıik, Bilim kúni qarsańynda aýdanda birqatar daıyndyq sharalary ótti. Jaıaý júrginshiler ótkelderi jańartylyp, jasandy tegissizdikter men jol belgileriniń jaǵdaıy tekserildi. Mektepterde sabaqtar bastalmastan buryn polıtsııa qyzmetkerleri aýdan ortalyǵyndaǵy kóshe-jol jelisin taǵy bir márte zerttep shyqty.
Mektepterdiń mańyndaǵy ótkelder aq-sary túske boıaldy. Tártip saqshylary taldaý jumystaryn júrgizip, jergilikti atqarýshy organdardyń qoldaýymen jol ınfraqurylymynyń elementterin jańartý boıynsha jumystar uıymdastyrdy.