Saryaǵashtyq dzıýdoshy Eýropa kýbogynda jeńimpaz atandy
SARYAǴASh. QazAqparat – Túrkistan oblysy Saryaǵash aýdanynyń ákimi Muhıt Otarshıev jýyrda Eýropa kýbogynyń jeńimpazy atanǵan Erlan Toqtaev pen onyń jattyqtyrýshysyn qabyldady. Sportshyny jarqyn jeńisimen quttyqtap, erekshe qurmet kórsetti, dep habarlaıdy QazAqparat tilshisi.
Ákim kók týymyzdy jelbiretip, bási bıik básekelerde jeńimpaz atanyp júrgen sportshyǵa aldaǵy básekelerine sáttilik tiledi. Ekeýin de «Alǵys hat» jáne baǵaly syılyqtarmen marapattady.
Aıta keteıik, Erlan Toqtaev 17-24 qazan kúnderi Slovenııa memleketiniń Gradets qalasynda dzıýdodan jasóspirimder arasynda ótken jarysqa qatysqan bolatyn. Eýropa kýbogynda Saryaǵash aýdandyq №2 sport mektebiniń sportshysy 60 kelide qarsylasynan basym túsip, jarys jeńimpazy atandy.
Ákimniń qabyldaýynda sondaı-aq №2 sport mektebiniń túlekteri Nurjigit Joldybaı men Ádilet Ómirzaqtar da boldy. Olar maýsym aıynda Túrkistan qalasynda ótken jasóspirimder arasynda ústel tennısinen QR chempıonatynan 4 altyn jáne 1 qola júldemen oralǵan. Aýdan basshysy bul sportshylarǵa da izgi tilekterin jetkizip, syı-syıapat tabystady.
Eske salaıyq, Saryaǵash aýdanynyń sportshylary 8 sport túrinen Qazaqstan Respýblıkasynyń chempıony atandy. Taǵy ekeýi eki sport túrinen Álem jáne Azııa chempıonattaryna joldama aldy. 3 sportshy aýdaryspaq, toǵyzqumalaq, shahmattan júldeli ІІ oryn, 12 sportshy voleıbol, toǵyzqumalaq, ústel tennısi, karate-dodan júldeli ІІІ oryndy ıelengen bolatyn.
