Saryaǵashtyq áıel kúıeýin óltirdi degen kúdikke ilindi
12 tamyz kúni Túrkistan oblysy Saryaǵash aýdanynyń polıtsııasyna jergilikti turǵynnan eki kún buryn 38 jastaǵy inisi joǵalyp ketkeni týraly habarlama kelip tústi. Aýdandyq polıtsııa bóliminiń barlyq jeke quramy joǵalǵan turǵyndy izdeýge jumyldyryldy.
«Jedel-izdestirý sharalaryn júrgizgen polıtseıler otbasylyq janjaldan keıin kúıeýin óltirdi degen kúdikpen aýdannyń turǵynyn anyqtap, ustady. Zattaı dáleldemeler tárkilendi.
Kúdikti áıel ýaqytsha ustaý ızolıatoryna qamaldy.
Qaıǵyly jaǵdaı oryn alǵan otbasy ishki ister organdarynda esepte turmaǵan jáne otbasylyq janjal boıynsha buryn polıtsııaǵa júginbegen», - deıdi Túrkistan oblysynyń polıtsııa departamenti bastyǵynyń orynbasary Asyljan Qaldarbekov.
Qazirgi ýaqytta QR QK-niń 99-baby 2-bóligimen «Kisi óltirý» sotqa deıingi tergeý amaldary júrgizilýde jáne bolǵan oqıǵanyń tolyq mán-jaıy anyqtalýda.
