Saryaǵashtaǵy Keles ózeninde jańa kópir salynyp jatyr

SARYAǴASh. QazAqparat - Túrkistan oblysy Saryaǵash aýdanyndaǵy Keles ózeninde jańa kópirdiń qurylysy júrip jatyr, dep habarlaıdy QazAqparat oblys ákiminiń baspasóz qyzmetine silteme jasap.

Jartytóbe men Qurkeles aýyldyq okrýgteriniń aýmaǵynan ótetin ózen aýyl turǵyndarynyń ara qatynasy úshin asa mańyzdy. Nysannyń qurylys jumystary jergilikti basshylyqtyń qatań baqylaýynda.

Qazirgi tańda merdiger mekeme «Korporatsııa Bereke-A» JShS tarapynan uzyndyǵy - 60, eni - 10 metr bolatyn jańa kópirdiń jáne kópirge deıingi Eńkes eldi mekenindegi S.Musauly kóshesiniń 0,42 shaqyrymyna ortasha jóndeý jumysyn júrgizýde.

Jańa kópir qazan aıynyń sońynda paıdalanýǵa beriledi dep kútilýde.

Tıisti basqarmalar men aýdan basshylyǵy halyq ıgiligi úshin salynyp otyrǵan kópirdiń qurylys sapasyn qadaǵalap otyr.

Merdiger kompanııaǵa qurylys materıaldarynyń sapasyn nazarda ustap, nysandy belgilegen merzimnen keshiktirmeı ótkizý tapsyrylǵan.