Saryaǵashtaǵy 7 jasar balanyń ájesi qazirgi jaǵdaı týraly aıtty
ShYMKENT. QazAqparat - Saryaǵashtaǵy 7 jasar balanyń ájesi Sharıpa Batyrbekova jalpy jaǵdaıy týraly aıtty, dep habarlaıdy QazAqparat tilshisi.
«Bizdi oılaǵandaryńyz úshin kóp rahmet. Keshe nemeremniń bolashaǵyna alańdaǵan oblys ákimi, Balalar quqyn qorǵap júrgen Balıeva hanym ózderiniń barynsha kómek kórsetetindigi týraly aıtty. Advokattarǵa da alǵys aıtqym keledi. Nemereme kómek kórsetý úshin tıisti mekemeler ony Astanaǵa alyp ketip jatyr. Bári jaqsy bolady dep oılaımyn...»,- deıdi jetkinshektiń ájesi Sharıpa Batyrbekova jeli arqyly.
Búgin zeınetkerdi nemeresimen birge Astanadaǵy «Analar úıine» ornalastyrylǵany málim boldy. Bul týraly «Asyl bala» qaýymdastyǵynyń OQO-daǵy fılıaly dırektory Gúlnar Úsenova aıtyp berdi.
«Osy oqıǵa boıynsha qylmystyq isti júrgizip jatqan tergeýshi de Astanaǵa keldi. Barlyq jaǵdaı Іshki ister mınıstrliginiń baqylaýynda. Saraptamalar tek ájesiniń qatysýymen jasalady. Sodan keıin ǵana naqty bir sheshim qabyldanady»,- dedi Gúlnar Úsenova.
Onyń sózinshe balany tıisti kesheni saraptamadan ótkizý kezinde olar sol jerde bolady. Barlyǵyq shyǵynyn atalǵan qor óz moınyna alǵan.
Eske sala keteıik, osy oqıǵa boıynsha birqatar sheneýnik qyzmetinen shettetilgen bolatyn.
