Saryaǵashta jylyjaılardan 120 myń tonnadan astam ónim jınaldy
ShYMKENT. QazAqparat - Elimizdegi jylyjaılardyń 75 paıyzy Ońtústik Qazaqstan oblysynda ornalasqan bolsa, onyń ishinde Saryaǵash aýdanyn - Ońtústiktiń jylyjaı otany deýge bolady.
Óıtkeni oblystaǵy jylyjaılardyń 50 paıyzy osy aýdanǵa tıesili, dep habarlaıdy OQO ákiminiń baspasóz qyzmeti.
Jylyjaı sharýashylyǵy Saryǵash aýdanynda jyldan jylǵa kóbeıip, jalpy kólemi boıynsha da, alynǵan ónimi boıynsha da elimizde kósh ilgeri turǵan sala. Máselen, 2007-2008 jyldary Jartytóbe men Derbisek aýyldyq okrýgterinde 32,5 gektar jerde ǵana jylyjaı bolǵan bolsa, odan keıingi jyldary jylyjaı 21 aýyldyq okrýgte salynyp, kólemi 664 gektarǵa jetti. Osy jylyjaılardan ótken jyly 120 myń 273 tonna ónim alyndy. Onyń ishinde 99 myń tonnadan astamy qyzanaq, 21205 tonnasy qııar. Ár gektardan alynǵan ónimniń ortasha túsimdiligi 1866,6 tsentnerdi qurady.
Al ótken jyly 72,2 gektar jerge jylyjaılar salynyp iske qosyldy. Atalǵan jylyjaılarda 13247 adam jumyspen qamtylǵan. Jylyjaılardan alynǵan ónim negizinen Qazaqstannyń soltústik aımaqtary men Reseı Federatsııasynyń kóptegen qalalarynyń kókóniske degen muqtajyn qamtamasyz etip otyr.
Sondaı-aq aýdanda jylyjaı sharýashylyǵyn damytý boıynsha sheberlik sabaqtary ótip turady. Onda mamandar jabyq topyraqta qyzanaq, qııar, baqsha ónimderin qalaı molynan alýǵa bolatynyn jáne jylyjaıdy qalaı salýdy, materıal, tuqym, tyńaıtqyshtar tańdaǵanda ne nársege nazar aýdarý qajettigin úıretedi.
Aıta keteıik, oblysta jylyjaı kólemi ótken jyly 212 gektarǵa artyp, jalpy 1 335 gektarǵa jetti.
