Saryaǵashta jaıaý júrginshilerdi ótkizetin «aqyldy» jol paıdalanýǵa berildi
QR Tuńǵysh Prezıdenti N.Á.Nazarbaevtyń bekitken «Tsıfrlyq Qazaqstan» memlekettik baǵdarlamasy aıasynda Saryaǵash qalasyn aqyldy qalaǵa aınaldyrý maqsatynda «Smart city - Saryagash» jobasy ázirlengen bolatyn. Atalǵan jol osy joba aıasynda salynyp, paıdalanýǵa berilip otyr. Onyń ereksheligi - júrginshilerdi jol boıynan túngi mezgilde qaýipsiz ótkizý. Máselen, jol jıegine kelgen jaıaý júrginshini joldan qaýip-qatersiz ótkizý úshin arnaıy sezgish qondyrǵy iske qosylady. Artynsha jol jamylǵysy jaryqtanady.
«Saryaǵash qalasynda paıdalanýǵa berilgen bul «aqyldy» jaıaý júrginshi joly turǵyndardyń jol qaýipsizdigin saqtaýǵa óz septigin tıgizeri anyq. Qazirgi tańda qalanyń ortalyq kóshesinde ornalasqan bul qondyrǵy turǵyndardyń kóńilinen shyǵyp jatyr. Aldaǵy ýaqytta mundaı qurylǵylar halyq kóp júretin mańyzdy jaıaý júrginshi joldaryna da ornalastyrylady»,- deıdi qala ákimi apparatynyń bas mamany Damır Haırýllauly.