Saryaǵashta jasóspirim qyzdy zorlady degen kúdikpen er adam ustaldy
SARYAǴASh. QazAqparat –Saryaǵash aýdanynda jasóspirim qyzdy zorlady degen kúdikpen er adam qamaýǵa alyndy, dep habarlaıdy QazAqparat tilshisi.
Oblystyq PD departamentiniń málimetinshe, 23 qazan kúni Saryaǵash aýdandyq PB Ózbekstan respýblıkasynyń azamatshasy aryzdanǵan. Ol óziniń jasóspirim qyzyn bireýler zorlap ketkeni týraly aıtqan.
Atalǵan aryz boıynsha tártip saqshylary kúdiktini anyqtap, qamaýǵa aldy.
«Osy oqıǵaǵa qatysty Qylmystyq kodekstiń 120-baby boıynsha tergeý amaldary júrgizilýde. Birneshe sot-medıtsınalyq saraptamalar taǵaıyndalyp, sotqa deıingi tergeý kezinde bolǵan jaǵdaıdyń mán-jaılary anyqtalatyn bolady. Al, qyzdy eki adam qorlaǵan degen aqparat shyndyqqa janaspaıdy» delingen habarlamada.
Eske salaıyq, buǵan deıin osy óńirdiń qoǵamdyq belsendigi Qurmanǵazy Músir óziniń facebook-tegi paraqshasynda Túrkistan oblystyq Polıtsııa departamentiniń bastyǵy Qaırat Dálbekov pen elimizdiń bala quqyqtary jónindegi ýákili Arýjan Saınge habarlama jazyp, osy jaǵdaıdy baqylaýǵa alý týraly suranys jasaǵan bolatyn.
Onyń aıtýynsha, eki er adam jasóspirim qyzdy pyshaqpen qorqytyp, zoraý áreketterin jasaǵan.
