Saryaǵashta zańsyz jolaýshy tasymalyna qarsy reıd ótti

TÚRKІSTAN. QazAqparat - Túrkistan oblysynda zańsyz jolaýshy tasymalyna tosqaýyl qoıý maqsatynda kezekti reıdtik is-shara ótti, dep habarlaıdy QazAqparat oblys ákiminń baspasóz qyzmetine silteme jasap.

Saryaǵash aýdanynda ótken aýqymdy sharanyń negizgi maqsaty - jolaýshylar qaýipsizdigin qamtamasyz etý.

Oblystyq jolaýshylar kóligi jáne avtomobıl joldary basqarmasynyń uıymdastyrýmen ótken reıdtik sharaǵa Saryaǵash aýdanynyń jolaýshylar kóligi jáne avtomobıl joldary bólimi, Saryaǵash aýdanynyń memlekettik kirister basqarmasy, Túrkistan oblysynyń kóliktik baqylaý ınspektsııasy men Saryaǵash aýdanynyń polıtsııa bólimi atsalysty.

Ótkizilgen reıd nátıjesinde Qazaqstan Respýblıkasynyń «Ákimshilik quqyq buzý týraly» Kodeksine sáıkes, jolaýshylar kóligine qatysty 25 hattama túzildi. Birlesken shara aldaǵy ýaqytta jalǵasyn tabady.