Saryaǵashta úı alýǵa kómektesemin dep 4,5 mln teńgeni qaltasyna basqan áıel ustaldy
TÚRKІSTAN. QazAqparat - Túrkistan oblysy, Saryaǵash aýdanynda baspana alýǵa kómektesemin dep jergilikti turǵynnyń qomaqty aqshasyn aldap alǵan alaıaq áıel ustaldy. Jábirlenýshige keltirilgen shyǵyn kólemi - 4,5 mln teńge, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, alaıaqqa aldanǵan áıel ótken jyly Saryaǵash aýdandyq polıtsııa basqarmasyna aryzdanǵan. Onyń sózinshe, kúdikti bastapqyda baspanaly bolýǵa kómek beremin dep jábirlenýshiniń senimine kirgen. Sóıtip jarty mıllıon teńgeden astam aqshasyn alǵan. Keıinnen bul soma 4,5 mln teńgege jetken. Nátıjesinde ne baspanasy joq, ne aqshasyn qaıtara almaǵan turǵyn san soǵyp qalǵan. Jedel-izdestirý sharasy barysynda polıtseıler kúdikti retinde jergilikti turǵyndy ustady.
Atalǵan jaıt boıynsha QR QK 190-baby («Alaıaqtyq») boıynsha sotqa deıingi tergeý amaldary júrgizilip, jınaqtalǵan materıaldar aıyptaý aktisimen sotqa joldandy. Polıtseıler ustalǵan áıeldiń basqa da qylmystarǵa qatysy bar-joǵyn anyqtap jatyr.
