Saryaǵashta úsh aılyq qyzyn óltirgen kelinshek 15 jylǵa sottaldy

TÚRKІSTAN. QazAqparat – Qaıyn enesimen urysyp qalǵan kelinshek sábıimen birge Keles ózenine sekirip ketken bolatyn, dep habarlaıdy QazAqparat tilshisi.

Qaıǵyly oqıǵa ótken jyldyń jeltoqsan aıynda bolǵan.

Qaıyn enesimen urysyp qalǵan kelinshek emhanaǵa barar jolda ózin jáne sábıin óltirýge bel baılaǵan.

Sodan Keles ózeniniń sýyna qyzymen birge sekirip ketken. Sol kezde úsh aılyq sábıi sýǵa tunshyǵyp qalǵan.

Túrkistan oblysynyń qylmystyq isterge mamandandyrylǵan aýdanaralyq soty jas anany Qylmystyq kodekstiń 99-babynyń 3-bóligi boıynsha kináli dep tanydy.

Kelinshek 15 jyl merzimge bas bostandyǵynan aıyryldy.