Saryaǵashta tutyný taýarlaryn tegin beretin dúken ashyldy

SARYAǴASh. QazAqparat - Saryaǵashta kúndelikti tutyný taýarlary men kıimderdi tegin beretin áleýmettik dúken ashyldy. Basty maqsat – turmysy tómen jáne az qamtamasyz etilgen otbasylarǵa qoldaý kórsetý, kómek qolyn sozý, dep habarlaıdy QazAqparat tilshisi.

«Jarııa» atty áleýmettik dúken apta boıy tańǵy 9.00-den keshki 18.00-ge deıin jumys isteıdi. Dúken ashylǵaly beri 150 adamǵa 700-ge jýyq tegin kıim men aıaq kıim berilgen. Onyń ishinde 100 adam Saryaǵash qalasynyń turǵyndary bolsa, 47 – adam aýyl turǵyndary. Al 3 adam basqa aýdannan kelip, kómekke ıe bolǵan.

« Aldaǵy ýaqytta Qurkeles, Qaplanbek, Jibek joly, Derbisek aýyldyq okrýgterinde tegin ǵımarat taýyp berý arqyly áleýmettik dúken ashýdy qolǵa alý josparlanyp otyr», – deıdi atalǵan dúkenge arnaıy kelgen aýdan ákiminiń orynbasary B.Polatov.

Buǵan deıin alǵashqy bolyp «Jarııa» áleýmettik dúkenin Jartytóbe aýylynda jeke kásipker A.Isabaev ashqan bolatyn. Osy ýaqytqa deıin ashylǵan dúkenge 1000-nan astam muqtaj otbasy kelip, 3000 kıimmen qamtamasyz etilipti.

Jalpy dúkendi taýarmen qamtamasyz etýge «Jarııa» qaıyrymdylyq qory men jekelegen adamdar úles qosýda. Qarapaıym halyqtyń ıgiligi úshin ashylǵan dúkenge jergilikti turǵyndar da dán rıza.