Saryaǵashta taǵy bir adamdy atyp ketti
ShYMKENT. QazAqparat - Ońtústik Qazaqstan oblysynyń Saryaǵash aýdanynda taǵy bir adamdy atyp ketti. Bytyra oǵy tııý saldarynan jábirlenýshi esin jımaǵan kúıinde kóz jumǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, qylmysty oqıǵa keshe Saryaǵash qalasynda bolǵan.
« 9 sáýir 2018 jyly Saryaǵash AІІB-nyń kezekshi bólimine Saryaǵash aýdandyq ortalyq aýrýhanasynan atys qarýynan jaralanǵan belgisiz azamattyń máıiti jetkizilgeni týraly habarlama kelip túsken. Jábirlenýshi Saryaǵash aýdanynyń 1991 jyly týǵan turǵyny ekeni anyqtaldy. Qazir Qylmystyq kodekstiń «Adam óltirý» baby boıynsha sotqa deıingi tergeý jumystary júrgizilýde. Oqıǵa ornynda OQO ІІD tergeý toby jumys jasaýda. Basqa málimetter tergeý barysynda jarııalanbaıdy», delingen habarlamada.
Al, jergilikti turǵyndardyń sózinshe tanys eki jigittiń arasynda janjal týyndaǵan. Olardyń isine biriniń 1987 jyly týǵan aǵasy aralasyp, ekinshisin atyp jibergen. Qylmystyń qalaı bolǵanyn endi polıtseıler anyqtaıdy.
Eske salaıyq, buǵan deıin 4 sáýir kúni osy aýdanǵa qarasty Abaı aýylynda birneshe turǵyndar ózara tóbelesip, atysqan bolatyn. Saldarynan eki jigit aýrýhanaǵa tústi. Biriniń jaǵdaıy aýyr, jansaqtaý bóliminde jatyr. Osy qylmysqa qatysy bar degen úsh kúdikti Saryaǵash aýdandyq sotynyń sanktsııasymen qamaýǵa alyndy.
Foto: byznysnoviny.cz
