Saryaǵashta sý tasıtyn kólik 18 jastaǵy qyzdy qaǵyp ketti
SARYAǴASh. QazAqparat - Saryaǵash qalasynda sý tasymaldaıtyn aýyr júk kóligi 18 jastaǵy qyzdy qaǵyp ketti. Jaıaý júrginshi dene jaraqatynan jantásilim etti, dep habarlaıdy Polisia.kz.
Qaıǵyly oqıǵa 24 aqpanda bolǵan. Alǵashqyda jaralanǵan qyz Saryaǵash aýdandyq ortalyq aýrýhanasynyń jansaqtaý bólimine jetkizilgen.
«Ókinishke qaraı, dárigerler onyń ómirin aman alyp qala almady. Sondaı-aq sot narkologııalyq saraptama kezinde júrgizýshiniń spırttik ishimdik ishpegeni anyqtalǵan» delingen habarlamada.
Atalǵan oqıǵa negizinde Qylmystyq kodekstiń 345-baby boıynsha sotqa deıingi tergeý júrip jatyr. Saraptamalar taǵaıyndaldy, protsessýaldyq sheshim qabyldanady.
