Saryaǵashta shıpajaıdan órt shyqty
ShYMKENT. QazAqparat - Búgin Saryaǵash qalasy Kókterek aýyly Keles kóshesiniń boıyndaǵy shıpajaıdan órt shyqty, dep habarlaıdy QazAqparat tilshisi.
«4 shilde kúni saǵat 18:54-te Saryaǵash qalasy Kókterek aýyly Keles kóshesiniń boıyndaǵy sanatorııde órt oryn alǵandyǵy týraly habarlama kelip tústi. «Arman» AQ-ǵa qarasty shıpajaıdyń 4 qabatty ǵımaratynyń 2-shi qabatyndaǵy nómirden órt shyǵyp, 3, 4-qabattaǵy nómirlerge, ári qaraı shatyrǵa ótken. Órt sóndirýshier (№25 órt sóndirý beketiniń birinshi bólimshesi) oqıǵa ornyna 19:00-de jetken» delingen oblystyq TJD memlekettik til jáne aqparat toby taratqan habarlamada.
Órt 832 sharshy metr aýmaqty sharpyǵan; saǵat 20:00-de oqshaýlanyp, saǵat 21:15-te tolyq sóndirilgen. Zardap shekkender joq. 124 adam qaýipsiz jerge shyǵaryldy.
Tilsiz jaýmen kúreske «Órt sóndirý jáne apattyq-qutqarý qyzmeti» órt sóndirý bólimsheleriniń 25 adamy, 6 tehnıkasy jumyldyrylǵan.
