Saryaǵashta shekarany zańsyz kesip ótken Ózbekstannyń 2 azamaty ustaldy

SARYAǴASh. QazAqparat - Túrkistan oblysynda Qazaqstan aýmaǵyna zańsyz kirip ketken sheteldikter ustaldy, dep habarlaıdy QazAqparat.

Saryaǵashta polıtsııa qyzmetkerleri Jibek joly aýylynda ornalasqan aınalma tasjol arqyly QR aýmaǵyna zańsyz kirip ketken Ózbekstannyń 2 azamatyn anyqtady.

Tártip saqshylary atalǵan jaıtty QR QK 392-baby («Qazaqstan Respýblıkasynyń Memlekettik shekarasyn qasaqana zańsyz kesip ótý») boıynsha tirkedi.

Polıtsııa qyzmetkerleriniń júrgizgen jedel-profılaktıkalyq sharalarynyń nátıjesinde atalǵan azamattar Almaty qalasynda jumys jasaý maqsatynda júrgeni belgili boldy.

Olar Saryaǵash aýdandyq polıtsııa bólimine jetkizildi. Qazirgi tańda kúdiktiler qamaýǵa alynyp, atalǵan jaıtqa baılanysty tergeý amaldary júrip jatyr.