Saryaǵashta saılaý ýchaskesine kelýshiler karaokede án aıtyp, kórmeni tamashalaı alady

TÚRKІSTAN. QazAqparat- Saryaǵashta saılaý ýchaskesine kelýshiler karaokede án aıtyp, kórmeni tamashalaı alady, dep habarlaıdy QazAqparat tilshisi.

Saryaǵash aýdany Kókterek kentindegi №16 I.V. Panfılov atyndaǵy jalpy bilim berý orta mektebinde ornalasqan №672 saılaý ýchaskesine kelýshilerge erekshe jaǵdaı jasalǵan.

Saılaý ýchaskesine kire-beriske karaoke qoıyp, kórme uıymdastyrylǵan. Onda án aıtyp, kórmedegi zattardy tamashalaýǵa bolady.

Suraq-jaýap oıyndaryna qatysyp, syılyq alýǵa da múmkindik bar.

Budan bólek, kontserttik baǵdarlama uıymdastyrylǵan.

«Saılaý ýchaskesine kelýshiler patrıottyq ánderdi aıtyp jatyr. Barshasynyń kóńil kúıi jaqsy. Halyq saılaýǵa da belsendi qatysyp jatyr»-deıdi qala turǵyny B. Abdıhanov.