Saryaǵashta polıtsııa taýyp alǵan balalar: «Ákemizdi izdep júrmiz»
SARYAǴASh. QazAqparat - Túrkistan oblysynyń Saryaǵash aýdanynda polıtseıler adasyp qalǵan balalardy anasyna qaıtardy. Ata-anasy ajyrasqan balalar ákesin saǵynǵandyqtan, sol úıge ózderi barmaq bolǵan, dep habarlaıdy QazAqparat tilshisi.
Oblystyq PD baspasóz qyzmetiniń habarlaýynsha, 11 jasar qyz ben 10 jasar ul bala túngi saǵat úshter shamasynda Saryaǵash qalasyndaǵy kóshelerdiń birinde adasyp júrgen. Olardy jergilikti polıtseıler baıqap qalyp, ne úshin túnde júrgenderin surastyrǵan. Alaıda qarny ash, qorqyp qalǵan balalar polıtseıge durys jaýap bermeıdi.
Osydan keıin Saryaǵash aýdandyq PB ıÝvenaldy polıtsııa tobynyń ınspektory Murat Perneshov tez arada balalardy bólimge jetkizip, tamaqtandyrǵan. Sondaı-aq, psıhologty shaqyryp, balalarmen tildestirgen. Mamandardyń saýaldaryna kámelet jasyna tolmaǵan ul men qyz keshki saǵat 17:00 shamasynda úılerinen shyǵyp, ákelerine barmaq bolǵanyn jetkizgen. Olar ata-analarynyń ajyrasqanyn aıtyp, ákelerin kórýge barǵanyn aıtqan. Jetkinshekterdiń aıtqan málimeti boıynsha olardyń turǵylyqty meken-jaılary anyqtalyp, anasyna tabystaldy.
Al, anasy eki balasynyń joǵalyp ketkenin polıtsııaǵa habarlamaǵan. Óz kezeginde eki birdeı balasymen qaýyshqan ana, polıtseılerge alǵys aıtty.
