Saryaǵashta pırotehnıkany zańsyz satqan dúkender anyqtaldy
TÚRKІSTAN. QazAqparat – Túrkistan oblysynda «Pırotehnıka» jedel-profılaktıkalyq is-sharasy ótkizilýde, dep habarlaıdy QazAqparat óńirlik PD baspasóz qyzmetine silteme jasap.
Saryaǵash APB-niń qyzmetkerleri kezekti reıd júrgizý barysynda eki birdeı dúken satýshysy zańsyz otshashý quraldaryn satyp jatqanyn anyqtady. Tártip saqshylary atalǵan jaıtqa baılanysty QR QK-niń 196-baby «Kórineý qylmystyq jolmen tabylǵan múlikti ıemdený nemese ótkizý» boıynsha hattama toltyrylyp, taýar tolyǵymen óndirilip alyndy.
Sonymen qatar, saýda oryndarynyń satýshylaryna karantın talaptary men pırotehnıkalyq zattardy qoldanýdyń qaýipsizdik erejeleri, pırotehnıkalyq buıymdardy satýda arnaıy lıtsenzııanyń bolýy boıynsha túsindirme jumystary júrgizildi.
Sondyqtan Túrkistan oblysynyń polıtseıleri turǵyndar nazaryna, pırotehnıkany paıdalaný kezinde qaýipsizdik erejelerin qatań saqtaý mindetti ekenin eskertedi. Sebebi ot shashý kezinde adamdardyń densaýlyǵyna qaýip tónýi ábden múmkin.
