Saryaǵashta ózin óltirmekshi bolǵan áıel qutqaryldy
SARYAǴASh. QazAqparat - Túrkistan oblysy polıtseıleri ózin-ózi óltirmekshi bolǵan jas áıeldi ólimnen qutqaryp qaldy. Kelinshek Saryaǵash temirjol vokzalynyń jaıaý júrginshilerge arnalǵan kópirinen sekirmekshi bolǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, oqıǵa keshki saǵat 18:50 shamasynda tirkelgen.
Tártip saqshylary kópirdiń jaqtaýy arqyly sekirmekshi bolǵan áıelge qatysty shuǵyl sharalardy der kezinde qabyldap, áńgimege tartqan. Ony qaýipsiz qashyqtyqqa alyp baryp, qutqaryp alǵan. Keıinnen áıeldiń Saryaǵash qalasynyń turǵyny ekeni jáne onyń medıtsınalyq-psıhologııalyq kómekke zárý ekeni anyqtalǵan. Artynsha týystaryna tapsyrylǵan.
«Atalǵan jaıt QR QK -niń «Ózin-ózi óltirýge jetkizý» 105-baby boıynsha sotqa deıingi tergep-tekserýdiń biryńǵaı tizilimine tirkeldi. Qazirgi kezde barlyq bolǵan oqıǵanyń jaǵdaıynyń sebepteri anyqtalýda» delingen habarlamada.
Óz kezeginde áıeldi qutqarý kezinde jedel shara qoldanǵandyǵy úshin Saryaǵash APB-niń basshylary polıtsııa aǵa leıtenanty Rústem Raıymbekov pen polıtsııa leıtenanty Aman Nurqanatqa, Hasan Ábilder men basqa da polıtsııa qyzmetkerlerine alǵys bildirilgen.
