Saryaǵashta nóser saldarynan 19 úıdiń aýlasyn sý basty
ShYMKENT. QazAqparat - Ońtústik Qazaqstan oblysynyń qutqarýshylary toqtaýsyz jaýǵan nóser jańbyr saldarynan aýlalaryn sý basqan jeke úılerdiń turǵyndaryna kómektesýde, dep habarlaıdy QazAqparat ІІM Tótenshe jaǵdaılar komıtetine silteme jasap.
Jergilikti atqarýshy organdar jáne Saryaǵash aýdandyq TJB kúshterimen kanal shlıýzin jabý jumystary atqaryldy.
«14 mamyrda saǵat 18.20-da Saryaǵash aýdany Qyzyljar eldi mekeninde nóser jańbyr saldarynan Keles ózenindegi sý deńgeıi kóterildi. Al sýsyz jatqan, ótkizý qabileti sekýndyna 2 tekshe metrdi quraıtyn Hanym kanalyna jiberilgen sý oblystyq deńgeıdegi «Saryaǵash-Derbisek» (uzyndyǵy 500 m, eni 30 m, tereńdigi 25 sm) jolynan asyp, 19 jeke úıdiń aýlasyn basyp qaldy»,-delingen TJK habarlamasynda.
40 qutqarýshy men jergilikti atqarýshy organdardvń 10 qyzmetkeri, sondaı-aq 14 tehnıka sý tartyp shyǵarý jumystaryna jumyldyryldy.
