Saryaǵashta Lında atty ıt sheteldiktiń ultaraǵynan gashısh tapty

TÚRKІSTAN. QazAqparat - Saryaǵash aýdanyndaǵy «Jibek joly» shekara baqylap-ótkizý beketinen esirtki alyp ótpek bolǵan Ózbekstan Respýblıkasynyń azamaty ustaldy, dep habarlaıdy QazAqparat tilshisi.

Kúdikti Qazaqstan Respýblıkasyna óterde «Lında» atty ıt belgi bergen. Tártip saqshylary birden tekserý jumystaryn júrgizip, kúdiktiniń aıaq kıiminiń ultaraǵyna jabystyrylǵan qara tústi paketke salynǵan esirtkige uqsas zatty tapty.

«Polıtsııa qyzmetkerleri tabylǵan aıǵaqty zatty tárkilep, saraptama taǵaıyndady. Zertteý qorytyndysy sheteldikten alynǵan zattyń «gashısh» esirtkisi ekeni kórsetti. Qazirgi tańda kúdikti qamaýǵa alyndy, sotqa deıingi tergeý amaldary júrgizilýde» - delingen Túrkistan oblysy polıtsııa departamenti taratqan habarlamada.