Saryaǵashta quny 220 mln teńge bolatyn makaron tsehy iske qosylady
NUR-SULTAN. QazAqparat - Saryaǵash aýdanynda ótken jyly óndirilgen jalpy ónim kólemi 144 mlrd. teńgeni qurap, ótken jyldyń osy merzimimen salystyrǵanda 1,3 paıyzǵa artqan. Bul týraly Túrkistan oblysy Óńirlik kommýnıkatsııalar qyzmetinde ótken brıfıngte Saryaǵash aýdanynyń ákimi Qaırat Ábdýalıev málimdedi.
Budan ózge, aýdanda byltyr belsendi shaǵyn jáne orta sýbektiler sany 13,6 myń birlikti qurap, «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy sheńberinde 2018 jyly 244,2 mln. teńgege 7 joba iske asyrylǵan.
«Indýstrıaldy ınnovatsııalyq damý» baǵdarlamasy sheńberinde jalpy quny 450 mln teńgeni quraıtyn 1 ınvestıtsııalyq joba kásipkerlik qoldaý kartasyna engizildi. Jalpy quny 450 mln. teńge bolatyn jobany iske 2019 jyly asyrý josparlanýda. Sondaı-aq, quny 220 mln. teńge bolatyn "makaron ónimderin óndirý tsehyn qurý" boıynsha 1 jobany 2019 jyly iske asyrý mejelenýde. Jańadan 25 adam jumyspen qamtylady», - dedi aýdan ákimi. 
Sonymen qatar, aýdanǵa ótken jyly barlyǵy 21,1 mlrd teńgeniń ınvestıtsııasy tartylǵan. Bıyl óńirge 23 mlrd. teńgeniń ınvestıtsııasyn tartý mejelenýde.
Týrızm salasynda aýdan boıynsha 30 emdik saýyqtyrý, 1 balalar shıpajaıy, 1 balalar saýyqtyrý lageri, 1 golf klýby, 20 qonaq úı qyzmet kórsetedi. 2018 jyly týrızm salasy boıynsha jalpy quny 491 mln. teńgeni quraıtyn 4 nysan iske qosyldy. Ashylǵan jumys oryn sany - 80 adam. 2019 jylǵa jalpy quny 280 mln. teńge quraıtyn 5 nysandy iske qosylyp, 110 jańa jumys orny ashylmaq.
Aýdandaǵy aýyl sharýashylyǵyndaǵy óndirilgen ónim kólemi 2018 jyly 58,5 mlrd. teńgeni qurasa, 2019 jyly 59 mlrd. teńgege jetkizý mejelenýde. 2018 jyly qaıta aınalymǵa qosylatyn sýarmaly jer kólemi 504 gektarǵa jetse, bıyl 88,8 shaqyrym quraıtyn 12 nysandy jóndeýden ótkizip, qaıta aınalymǵa qosylatyn sýarmaly jer kólemi 924 ga quraıtyn bolady.
Saryaǵash aýdanynda 2018 jyly barlyǵy 9,6 mlrd. teńgege 80 nysannyń qurylystary júrgizilgen. Onyń ishinde 34 jańa nysannyń qurylysy paıdalanýǵa berildi. Al aǵymdaǵy jyly 56 áleýmettik nysandardyń qurylysyn júrgizý josparlanýda.
