Saryaǵashta qýaty 20 MVt bolatyn kún elektr stansasy iske qosylady
TÚRKІSTAN. QazAqparat - Túrkistan oblysynyń Saryaǵash aýdanynda qýattylyǵy 20 MVt quraıtyn kún elektr stansasynyń qurylysy aıaqtalýda. Jobany qazaqstandyq «EcoProTech-Astana» kompanııasy germanııalyq «DERA GmbH» kompanııasymen birlesip júzege asyrýda, dep habarlaıdy QazAqparat tilshisi.
«Túrkistan» ƏKK» AQ fılıaly - «TURKISTAN INVEST» kompanııasynyń málimetinshe, jańa stansa qurylysy aıasynda 77 myńnan astam fotoelektrlik modýl, 10 ınvertor men transformator, sondaı-aq, 10 taratýshy qurylǵy ornatylady dep josparlanǵan. «Jasyl» energııa kózderinen óndirilgen elektr energııasy «KEGOC»-qa jetkizilmek. 
Tartylǵan ınvestıtsııa quny 35 mln dollar. Jobany júzege asyrý aıasynda 20 jumys orny ashylmaq. Qazirgi ýaqytta 42 gektar jerdegi qurylys alańynda modýlderge arnalǵan metall konstrýktsııalar salynǵan. Aǵymdaǵy jyldyń aqpan aıynda kún batareıalary men transformatorlar blogy ornatylady. 
Elektr stansasy aǵymdaǵy jyldyń naýryz aıynda iske qosylady dep josparlanyp otyr.
