Saryaǵashta kólikteri buzylyp, jolda qalǵan reseılikter qutqaryldy
TÚRKІSTAN. QazAqparat – Saryaǵashta kólikteri buzylyp, jolda adasqan reseılikterge polıtseıler kómek kórsetti, dep habarlaıdy QazAqparat tilshisi.
Saryaǵash aýdandyq polıtsııa bóliminiń jergilikti polıtsııa qyzmeti patrýldik polıtsııa tobynyń aǵa qyzmet ınspektory Baqytjan Ahanbaev pen qyzmet ınspektory, polıtsııa leıtenanty Erbolat Dıhanbaev «Hýndaı Greta» markaly avtokóliginiń dóńgelegi tesilip turǵanyn anyqtaǵan.
Kólik júrgizýshi Reseı Federatsııasynyń azamaty bolǵandyqtan Qazaqstan joldaryn durys bilmeıtindigi, sonyń saldarynan «Jetisaı-Shymkent» tasjolyn tappaı adasqandyǵy belgili bolǵan. Olardyń jaǵdaıyn eskergen polıtseıler sheteldikterdiń kóliginiń tehnıkalyq aqaýyn jóndetip, tesilgen dóńgelegin jóndep bergen.
«Jolda adasyp, kóligimiz buzylyp turǵanda janymyzdan qanshama kólikter zýlap ótip jatty. Alaıda polıtseılerdiń qyzmettik kóligi jaı ótip ketpe, janashyrlyq tanytty. Qazaqstandyq polıtseılerge alǵysymyzdy bildiremiz», -dedi reseılik azamat.
