Saryaǵashta kásipker elektr sháınegin qurastyratyn tseh ashty

SARYAǴASh. QazAqparat - Saryaǵash aýdanynda elektr sháınek jáne eden súrtkish jabdyǵyn qurastyratyn tseh óz jumysyn bastady, dep habarlaıdy QazAqparat.

«Bah_Asmar» JShS-na qarasty óndiris orny kúnine 600-700 dana elektro-sháınek jáne 10 000 dana eden súrtkish shyǵarady. Tseh 15 adamdy turaqty jumyspen qamtyp otyr. Aldaǵy ýaqytta jeke kásipker Q.Egemberdıev óz kásibin ulǵaıtyp, óndiris qýattylyǵyn kúnine 2 600 danaǵa jetkizip, qosymsha jumys ornyn ashýdy josparlap otyr.

Seriktestiktiń jumysymen tanysqan aýdan ákimi M.Otarshıev óńirde kásiptiń kózin tapqan jas kásipkerlerdiń sany kún sanap artyp jatqanyn aıtty.

«Suranysqa ıe ónimniń eń bastysy otandyq ekendigi kóńil qýantady. Bastysy halyqqa qoljetimdi baǵada, sapaly bolsa, basty jetistik osy. Aldaǵy ýaqytta óz isin bastaǵan kásipkerge aýdan ákimdigi tarapynan memlekettik qoldaý kórsetiletin bolady», - dedi aýdan basshysy.