Saryaǵashta «Hanbıbi oqýlary» atty baıqaý ótti

SARYAǴASh. QazAqparat – Saryaǵash aýdanynda QR-nyń eńbek sińirgen qaıratkeri, Halyqaralyq «Alash» syılyǵynyń ıegeri Hanbıbi Esenqaraqyzynyń 70 jyldyq mereı toıy qarsańynda oblystyq Hanbıbi oqýlary baıqaýy uıymdastyryldy. Aqynnyń shyǵarmashylyǵyn nasıhattaý jáne jastardyń shyǵarmashylyq qabiletterin arttyrý maqsatynda uıymdastyrylǵan baıqaýǵa oblys aýmaǵynan 30-ǵa tarta úmitker qatysty, dep habarlaıdy QazAqparat tilshisi.

Aýdan ákimdiginiń jáne aýdannyń mádenıet, tilderdi damytý, deneshynyqtyrý jáne sport bóliminiń uıymdastyrýymen ótken sharada aýdan ákiminiń orynbasary M.Seıtimbetov sóz sóılep, úmitkerlerge sáttilik tiledi. Aqyn Hanbıbi Esenqaraqyzynyń ıyǵyna shapan jaýyp, qurmet kórsetti. Baıqaýǵa qatysqan jastardyń arasynda aqyn sekildi jyr jazyp, kóńilge tunǵan ónermen órnektep júrgenderi de bar bolyp shyqty. Olar bolashaqta Hanbıbi apalaryndaı aqyn bolyp, el úshin qyzmet etkileri keletinderin jasyrmady.Baıqaýdyń aqtyq synyna 17 qatysýshy iriktelip, jeńimpazdary anyqtaldy. Óner saıysynyń qorytyndysy boıynsha jeńimpazdar marapattalyp, arnaıy dıplomdar men baǵaly syılyqtarǵa ıe boldy.