Saryaǵashta Halyqaralyq stýdentter kúnine oraı festıval ótti
SARYAǴASh. QazAqparat – Saryaǵash aýdanynda Halyqaralyq stýdentter kúnine oraı «Stýdenttik altyn dáýirim» taqyrybynda festıval ótti. Aýqymdy shara aýdandyq ishki saıasat bóliminiń «Jastar resýrstyq ortalyǵy» men «Nur Otan» partııasy aýdandyq fılıalynyń jáne uıymdastyrýmen ótken sharaǵa máslıhat depýtattary, partııanyń fraktsııa múshesi, kásipkerler men jastar janashyrlary qatysty, dep habarlaıdy QazAqparat tilshisi.
Atalǵan shara jastardyń boıyndaǵy mádenıettilikti, rýhanı adamgershilikti, ónerge, bilimge degen shyǵarmashylyq izdenisterin damytý jáne daryndy jastarǵa qoldaý kórsetý maqsatynda uıymdastyryldy. Festıvalde Saryaǵash aýdany ákiminiń orynbasary Baqytjan Polatov men «Nur Otan» partııasy Saryaǵash aýdany fılıaly tóraǵasynyń birinshi orynbasary Qudiret Qystaýbaev stýdentterdi merekelerimen quttyqtap, úzdik stýdentterdi jáne ustazdardy arnaıy aýdan ákiminiń alǵys hattarymen marapattady. Shara barysynda Qaplanbek joǵary agrarlyq tehnıkalyq kolledji, Arystanbab joǵary kolledji, Abý Alı Ibn Sına joǵary kolledji, Saryaǵash medrese kolledjderinen kelgen ónerli stýdentter án shyrqap, bı bılep, stýdenttik ómirden kórinister kórsetip, jınalǵan jurtshylyqtyń kóńilin bir serpiltip tastady.
