Saryaǵashta esirtkini jutyp, shekaradan ótpek bolǵan ózbekstandyq qolǵa tústi
ASTANA. QazAqparat - «Qaplanbek-avto» ótkizý bólimshesinde esirtki zatyn jutyp alyp, shekaradan ótpek bolǵan ózbekstan azamaty qolǵa tústi, dep habarlaıdy QR UQK baspasóz qyzmeti.
«Saryaǵash shekara otrıadynyń «Qaplanbek-avto» ótkizý bólimshesinde shekarashylardyń esirtki zattaryn izdeýge arnaıy úıretilgen qyzmettik ıti óz eline qaıtyp bara jatqan 48 jastaǵy ózbekstandyqtyń janynan, tekserý barysynda onyń qol júgi men qaltalarynda esirtki zattary tabylmasa da aınalsoqtap shyqpaı qoıdy. Amaly taýsylǵan ózbekstandyq aqyrynda marıhýana esirtkisi oralǵan túıinshekti tekserýdiń aldynda jutyp alǵandyǵyn moıyndady» delingen habarlamada.
Málimetke saı, keıin onyń sóziniń shyn ekendigi dáleldenip, aıǵaq retindegi salmaǵy 13,5 grammǵa jýyq esirtki zatymen birge Saryaǵash aýdandyq ishki ister bólimine tapsyryldy.
