Saryaǵashta birneshe azyq-túlik dúkeni órtendi
SARYAǴASh. QazAqparat – Túrkistan oblysy Saryaǵash qalasynda azyq-túlik býtıkteri órtenip ketti, dep habarlaıdy QazAqparat Tótenshe jaǵdaılar komıtetiniń baspasóz qyzmetine silteme jasap.
«24 maýsym kúni saǵat 04:40-ta Túrkistan oblysy Saryaǵash qalasynda «Ramazan» sýarý kanalynyń boıyndaǵy jalpy aýmaǵy 250 sharshy metr 9 azyq-túlik býtıgi órtenip ketken», - delingen komıtet habarlamasynda.
Órt saldarynan jaqyn mańda turǵan «GAZel» markaly avtokólik janyp ketti. Órt saǵat 06: 25-te sóndirildi. Zardap shekkender joq. Órttiń shyǵý sebebi anyqtalýda. TJD kúshteri men quraldary, kezekshi jedel tergeý toby jalpy sany 36 adam men 9 tehnıka jumyldyryldy.
