Saryaǵashta aýdandyq sottyń sýdıasy para aldy degen kúdikke ilindi

SARYAǴASh. QazAqparat - Saryaǵash aýdany ákimshilik sotynyń sýdıasy para aldy degen kúdikke ilindi, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

Túrkistan oblysy boıynsha Sybaılas jemqorlyqqa qarsy qyzmeti QR Joǵarǵy Sotynyń ishki qaýipsizdik jáne sybaılas jemqorlyqtyń aldyn alý bólimimen birlese otyryp, Saryaǵash aýdanyndaǵy mamandandyrylǵan ákimshilik soty sýdıasynyń paraqorlyq faktisin anyqtady.

«2019 jylǵy 11 jeltoqsanda qylmystyq qýdalaý boıynsha artyqshylyqtary bar sýdıaǵa qatysty sotqa deıingi tergeýdi jalǵastyrýǵa Bas prokýror kelisim berdi. Tergeý sheńberinde, sýdıanyń shetel azamattarynyń kóshi-qon zańnamasyn buzǵany týraly ákimshilik materıaldardy kedergisiz qarastyrǵany úshin Saryaǵash aýdanynyń polıtsııa qyzmetkerlerinen júıeli túrde para alýǵa qatysy bar-joǵy tekserilýde» delingen habarlamada.

Kúdiktige qatysty túpkilikti sheshimdi sot qabyldaıdy.