Saryaǵashta asyl tuqymdy qoılar kórmesi ótti
TÚRKІSTAN. QazAqparat - Túrkistan oblysynyń Saryaǵash aýdanynda asyl tuqymdy qoılar kórmesi ótti, dep habarlaıdy QazAqparat tilshisi.
QR Aýyl sharýashylyǵy mınıstrliginiń uıymdastyrýymen Túrkistan oblysynyń Saryaǵash aýdanynda «Etti-maı baǵytyndaǵy Halyqaralyq asyl tuqymdy qoılar» kórmesi ótti. Kórmege Reseı, Moldova, Ózbekstan, Tájikstan, Qyrǵyzstan elderinen kelgen 100-den asa qoı ósirýshi azamattar jáne elimizdiń 8 oblysynan kelgen sharýalar qatysty.
Shara sheńberinde etti-maıly qoı tuqymynyń «Eń aýyr salmaqty», «Eń bıigi» atalymdary boıynsha baıqaýlar uıymdastyryldy. Nátıjesinde 45 nomınatsııanyń jeńimpazdary anyqtaldy. Sonymen qatar, QR Aýyl sharýashylyǵy mınıstrliginiń Mal sharýashylyǵy departamentiniń basshysy Erlan Іlııasov úzdik sharýalardy «Aýyl sharýashylyǵy úzdigi», «Úzdik qoı ósirýshi sharýashylyq» jáne «Úzdik asyldandyrýshy» tósbelgilerimen marapattady.
