Saryaǵashta «Ashyq Turkistan» jobasy aıasynda qoǵamdyq qabyldaý ótip jatyr
SARYAǴASh. QazAqparat – Túrkistan oblysy Saryaǵash aýdanyndaǵy aýyldyq okrýgterde «Ashyq Turkistan» jobasy aıasynda qoǵamdyq qabyldaý ótýde, dep habarlaıdy QazAqparat tilshisi.
Elbasy joldaýy aıasynda jáne Agenttiktiń bastamasymen qurylǵan «Túrkistan - adaldyq alańy» jobalyq keńsesi jergilikti halyqtyń arasynda sybaılas jemqorlyqty joıý men memlekettik mekemelerde ashyqtyqty qamtamasyz etýdi nasıhattap júr.
Bul kúni sondaı-aq, sybaılas jemqorlyqqa qarsy mádenıetti qalyptastyrý maqsatynda jáne Saryaǵash aýdanynda «Adal joldy tańdaımyz» atty marafon-estafetasy aıasynda sporttyq is-sharalar bolyp ótti. «Rýhanı kelisim» kúnine oraılastyrylǵan sharaǵa Saryaǵash aýdany men qala ákimdigi, aýyldyq okrýg ákimdikteriniń qyzmetkerleri men Saryaǵash aýdany ımamdary qatysyp, arqan tartý, qol kúres, fýtbol oıyndarynan ózara baq synasty.
Aıta keteıik, «Ashyq Turkistan» jobalyq keńsesi turmystyq, qoǵamnyń bılik ınstıtýttaryna senimin joǵarylatý maqsatynda qurylyp otyr. Bul jobany búginde oblystyń barlyq aýdandarynda, aýyldyq okrýgterde eńgizý usynylǵan bolatyn.
Atalǵan joba agenttiktiń tóraǵasy jáne oblys ákimi tarapynan joǵary baǵalanyp, qazirgi tańda respýblıkanyń barlyq óńirlerinde júzege asýda.
