Saryaǵashta anasy men balasy tájikstandyqtyń avtoturaqtaǵy 9 mashınasyn satyp jibergen

SARYAǴASh. QazAqparat - Túrkistan oblysy Saryaǵash aýdandyq polıtsııa basqarmasyna Tájikstan Respýblıkasynyń azamatynan bıylǵy mamyrda shekara beketi mańyndaǵy avtoturaqqa qoıǵan 9 avtokóligin belgisiz bireýlerdiń satyp jibergeni týraly aryz túsken, dep habarlaıdy QazAqparat Túrkistan oblysy polıtsııa departamentiniń baspasóz qyzmetine silteme jasap.

Osylaısha jábirlenýshi arada birneshe aılar ótkennen keıin kólikteri joq ekenin bilip, polıtsııadan kómek suraıdy. Atalǵan jaıt APB-ne QR QK-niń 189-baby boıynsha tirkeldi.

Keshendi shuǵyl-izdestirý sharasynyń nátıjesinde kúdiktilerdiń jeke-basy anyqtaldy. Olar jábirlenýshi kólikterin senip tapsyryp ketken avtoturaqta jumys jasaǵan áıel men

onyń uly bolyp shyqty. Polıtseıler qylmys jasap, jasyrynǵan kúdiktilerdi Qazyǵurt aýdanyndaǵy týysynyń úıinen taýyp, ustady. Olar óz kinálaryn tolyq moıyndady.

Tergeý barysynda anyqtalǵandaı, 2019 jyly alaıaqtyq jasap, 3,5 jyl merzimge bas

bostandyǵy shektelgen turǵyn qaıta qylmys jasaǵan. Anasyn kóndirip, kólikterdiń altaýyn Shymkent qalasynda 5 mıllıon teńgege satyp jibergen. Al, qalǵandaryn Saryaǵashta

bólshektep 2.5 mıllıonǵa ótkizgen. Aqshany óz qajettilikterine jaratqan.

Kúdiktiler qamaýǵa alyndy. Aıǵaqty zat retinde alynǵan kólikter zańdy ıesine

qaıtaryldy.

Qazirgi tańda sotqa deıingi tergeý amaldary júrgizilýde.