Saryaǵashta aqsha aıyrbastaý ornynan 3 mln teńge urlandy
SARYAǴASh. QazAqparat - Túrkistan oblysy, Saryaǵash aýdanynda belgisiz bireýler túngi ýaqytta aqsha aıyrbastaý ornyn tonap ketken. Urlyqqa túskender 3 mıllıon teńgege jýyq aqshany alyp, ıesine iri mólsherdegi materıaldyq shyǵyn keltirgen, dep habarlaıdy QazAqparat tilshisi.
Túrkistan oblystyq PD baspasóz qyzmetiniń málimetinshe, seziktiler aqsha aıyrbastaý ornynyń artqy esigin buzyp kirip, qorapshaǵa salynǵan aqshany alyp, oqıǵa ornynan boı tasalaǵan. Jedel izdestirý sharalarynyń barysynda aýdannyń tártip saqshylary bul qylmystyń betin ashty. Bir kún ishinde kúdiktilerdiń tulǵasyn anyqtap, qolǵa túsirgen. Ustalǵandardyń ekeýi de jergilikti turǵyn bolyp shyqty. Tergeý barysynda kúdiktiler ózderiniń kinálaryn tolyq moıyndap, aıǵaqty zat retinde olardan 250 myńnan astam aqsha tárkilengen.
«Jábirlenýshiniń aryzy negizinde atalǵan jaıt QR QK-niń 188-baby «Urlyq» boıynsha tirkeldi. Kúdiktilerge «kúzetpen ustaý» bultartpaý sharasy qoldanylyp, is Saryaǵash aýdandyq sotyna joldandy. Qazirgi tańda tergep-tekserý amaldary júrgizilýde», delingen habarlamada.
