Saryaǵashta 55 myń gektarǵa jýyq jer jaıylymǵa beriledi

TÚRKІSTAN. QazAqparat- Túrkistan oblysynyń Saryaǵash aýdanynda 55 myń gektarǵa jýyq jer jaıylymǵa beriletin boldy, dep habarlaıdy QazAqparat tilshisi.

Saryaǵash aýdanynda jer paıdalanýshylardyń egistik jerleri eginnen bosatylǵannan keıin aýyl turǵyndarynyń maldaryn jaıatyn jaıylymǵa aınalady. Búgingi kúni bul baǵytta 54 589 ga jerge memorandým jasalyndy.

Bıyl aýdan boıynsha 3219 ga jer ýchaskesi aýyldyq okrýgterdiń qosymsha ortaq jaıylymdaryna berildi. Sondaı-aq jyl sońyna deıin qosymsha 1000 gektarǵa jýyq jer ýchaskelerin ortaq paıdalanýdaǵy jaıylymǵa berý úshin tıisti jumystar júrgizilýde.

Aıta keteıik, qazirgi tańda aýdan aýmaǵyndaǵy 71 eldi mekenniń jer-sharýashylyq josparlaryna sáıkes barlyǵy 28262 gektar jer ortaq jaıylymǵa bekitilgen.