Saryaǵashta 5 aı buryn joǵalǵan jigit qumar oıyn oınap júrgen jerinen tabyldy
Oblystyq polıtsııa departamentiniń málimetinshe, Saryaǵash aýdandyq polıtsııa bólimine jergilikti turǵyn aryzdanyp kelgen. Áıel 2020 jyldyń tamyz aıynda 33 jastaǵy ulynyń úıden shyǵyp ketip, qaıta oralmaǵanyn aıtqan.
Jaqyndarynyń aıtýynsha, olar jigitti jumys izdep ketken bolar degen oımen múlde izdemegen. Óıtkeni budan buryn da ol 2-3 ret iz-túzsiz ketip, jumys istep, qaıta oralǵan eken.
Besinshi aı bola bastaǵanda habarsyz ketken ulyn ýaıymdaǵan ata-ana óz betinshe izdegen, biraq odan nátıje shyqpaǵan. Osydan soń olar polıtsııanyń kómegine júgingen.
Atalǵan jaıtty polıtseıler birden tirkeýge alyp, jigitti izdeýge kirisedi. Oblys kólemindegi aýdandyq, qalalyq polıtsııa basqarma, bólimderine baǵytnamalar jiberiledi.
Sonymen qatar tártip saqshylary joǵalǵan jigitti tez arada tabý maqsatynda surastyrý jumysyn júrgizedi.
Nátıjesinde tórt kúnnen soń iz-túzsiz ketken jigittiń júrgen jeri anyqtalyp, jedel ýákilder sol mekenjaıǵa jetedi.
ıAǵnı polıtseılerdiń izdestirý jumystarynyń nátıjesinde ol Shymkent qalasynda qumar oıyndaryn oınap júrgen jerinen anyqtalyp, polıtsııa bólimine jetkizildi.
Joǵalǵan jigit qaltasyndaǵy azyn-aýlaq aqshasymen jumys izdep shyǵyp ketip, alaıda qumar oıyndaryna degen qyzyǵýshylyǵynyń áserinen tapqan aqshasynyń barlyǵyn oıynǵa jumsap, keri qaıtaıyn dese jaqyndaryna aıtýǵa bata almaı, Shymkent qalasynda qalyp qoıǵan.
Jigittiń anasy polıtsııa qyzmetkerleriniń jedel túrde izdestirý jumystaryn júrgizip, ulyn din aman tapqanyna alǵysyn jetkizdi.
Osy rette oblys polıtseıleri barlyq turǵyndarǵa eskertedi, egerde jaqynyńyz nemese tanysyńyz iz-túzsiz ketken bolsa birden ýaqyt joǵaltpaı polıtsııa qyzmetkerlerine habar berińiz.
Der kezinde berilgen habar joǵalǵan jannyń tabylýyna óz septigin tıgizbek.