Saryaǵashta 400-ge jýyq otbasy taza aýyz sýmen qamtyldy
2016 jyldyń maýsym aıynda bastalǵan aýyz sý qurylysy jumystaryn merdiger mekeme «Úsh-Saı» JShS-y júrgizdi. Búginde 386 otbasy taza aýyz sýǵa qol jetkizip, kammýnaldyq qajettilik sheshimin tapty.
El qýanyshyn bólise kelgen aýdan ákimi Qaırat Ábdýalıev Táýelsizdik jyldarynda qol jetkizgen jetistikter jaıyn baıandap, tirshilik nári kelgeni árbir úıge úlken mereke ekenin atap ótti.
Jalpy aýdanda 154 eldi meken bolsa, onyń 69 eldi mekeni aýyz sýmen qamtylǵan. Al 2017 jylǵa 32 eldi mekenge aýyz sý tartý maqsatynda jobalyq smetalyq qujattary daıyndalýda. Jalpy, aýdanda memlekettik baǵdarlamalar tıisti deńgeıde atqarylyp keledi. Solardyń biri osy taza aýyz sý baǵdarlamasy. Eldimekenderdi taza aýyz sýmen qamtamasyz etý Saryaǵash aýdanynda aldyn ala jospar boıynsha kezeń-kezeńimen júzege asyp keledi. Kelesi jyly jobalyq-smetalyq qujattary daıyndalyp jatqan otyz eki eldi mekenge sý tartý jumystary bastalmaq.
