Saryaǵashta 23 jastaǵy kelinshek 6 balanyń anasy atandy
SARYAǴASh. QazAqparat - Saryaǵash aýdany Derbisek aýylynyń 23 jastaǵy turǵyny Erkinaı Esenbaeva alty balanyń anasy atandy, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Tuńǵyshyn 18 jasynda bosanǵan jas ana №1 oblystyq perınataldy ortalyqta dúnıege úshem alyp keldi.
Dárigerlerdiń aıtýynsha, júkti áıeldiń densaýlyǵy syr berip, sábılerin merziminen erte - segiz aıda bosanǵan. Ana men bala ómirine qaýip tóndirmes úshin dárigerler áıeldi kesar tiligi arqyly bosandyrǵan. Eki ul men bir qyzdy ómirge alyp kelgen jas ana men nárestelerdiń jaǵdaıy jaqsy jáne dárigerlerdiń arnaıy kútiminde. Kóp balaly ananyń dárigerlerge aıtar alǵysy sheksiz.Sábılerdiń salmaǵy 2170 gramm, 2100 jáne 2615 gramm. Otbasymen aqyldasa kele nárestelerge Aqjan, Marjan jáne Baqjan esimderin bergen. Jas otbasynyń 1 ul, 2 qyzy bar.
Jalpy, Túrkistandaǵy oblystyq nómiri 1-shi perzenthanada bıyl 155 egiz jáne 3 úshem dúnıege kelgen. Oblystyq qoǵamdyq densaýlyq basqarmasynyń málimetinshe, aımaqta týý kórsetkishi de byltyrǵy jylmen salystyrǵanda artqan. Jyl basynan beri óńirde 45030 sábı týǵan.
